சூடாமணி காண விரும்பிய புதிய உலகம்... ஆர்.சூடாமணி தமிழ்ப் படைப்பிலக்கியப் பெரும்பரப்பில், மரியாதைக்குரிய, அழிக்கமுடியாத தம் எழுத்துக்களால் நிரந்தரம் பெற்ற எழுத்தாளராக மிளிர்கிறார். 1931 - 2010 காலத்தில் வாழ்ந்த சூடாமணி தனது 23-ம் வயதில் எழுதத் தொடங்கி இருக்கிறார். 1954 -ம் ஆண்டு வெளிவந்த “பரிசு விமர்சனம்” அவரது முதல் சிறுகதை என்று அறியப்படுவதாகக் கே.பாரதி குறிப்பிடுகிறார். இத்தொகுதியில் இருக்கும் முதல் கதை “ரயில்” முதல் கடைசிக் கதை “கடற்கரையில் ஒரு புதுவித ஜோடி” வரை வாசிப்பவர்க்கு ஒரு பேருண்மை புலப்படாமல் போகாது.