Sa labing-apat na kuwentong Europeong ito, na pinili ni Ambassador Jaroslav Olsa, Jr. at isinalin ni Susana Borrero para sa mambabasang Filipino, makabubuo tayo ng panibagong larawan ng Europa na ibang-iba sa ating nakasanayan. Ilan lamang sa mga tauhan ng bagong Europang ito ay isang Czech na spaceman, isang radikal na indibidwalista, isang pamilya ng mga time traveler, at isang babaeng namumulat sa kaniyang sekswalidad. Ito ay mga kuwentong kontemporaryong magpapalawak sa ating pagkakakilanlan sa Europa, na hindi na lamang isang kontinenteng imperyal, kundi isang bago at nagbabagong Europa na sakay sa agos ng panahon at panitikan.