Love story ito na parang hindi. O life story. Sa pamamagitan ng serye ng maiikling sanaysay, ikukuwento sa atin ni Jerry B. Gracio ang kanyang buhay kasama si Pitbull, ibabahagi kung paano kiligin, magpaubaya, kumapit, bumitaw, magtiwala, magmahal. Nagsimula bilang serye ng mga online post, patatawanin kayo at paiiyakin ng aklat na ito mula sa pinakamahusay na manunulat na Filipino sa kasalukuyan. Ipadarama sa inyo ng Bagay Tayo ang pag-ibig "na kahit langit, hindi mahuhusgahan sa ganda." Koleksiyon ito ng mga tula tungkol sa pag-ibig, pagtitiwala, paghihintay, pagtatakasil, at muling pagyakap sa minamahal. Kambal na aklat ito ng BAGAY TAYO, mula sa makata at itinuturing ng mga kritiko bilang "isa sa pinakamatingkad na tinig sa panulaang Filipino sa kasalukuyan."