Mokonzi ya Mboka, liboso ya kitala-tala, makanisi nyonso ezali koleka na molimo na ye lokola filime. Po na nini nakende koloba liboso ya mokili mobimba na monoko oyo ya ngai te? Baoyo batiaki ngai na ebonga, balingi penza nini ? Ebongo soki... Na ndako ya Mama Sisca, nzala ekoti. Mbuta Louis ayei kobombisa biloko epayi na bango. Mama Sisca asali oyo ezalaka te. Ye wana na losambo. Akokumisa Nzambe to te, po na oyo ye abengi : likamwisi. Na losambo, Pasteur alobi operation poche vide. Pesa nyonso po Nzambe asalela yo. Tosambela, tolela, towolola, to tosala nini ? Bomoyi ya Mama Sisca ekosuka boni ? Kosambela elongolaka mayele?