၁၉၇ဝ , ၇၁ ခုနှစ်များခန့်က နိုင်ငံရေးလှုပ်ရှားမှုများကြောင့် အဖမ်းဆီးခံရသည့် သား လတ်ဖြစ်သူ မောင်ချစ်ခင် (ခ) ဖိုးသံချောင်းထံ လူထုဒေါ်အမာရေးခဲ့သည့် စာများကို စုစည်း၍ စာအုပ်အဖြစ်ထုတ်ဝေထားခြင်း ဖြစ်သည်။ စာအုပ်ကို ဖတ်ရှု လေ့လာခြင်းအားဖြင့် ထိုခေတ်ထိုအခါ က နိုင်ငံရေးသမားများအပေါ် အုပ်ချုပ်သူတို့ မည်သို့မည်ပုံနှိပ်ကွပ်ခဲ့သည်ကိုလည်းကောင်း၊ သားတစ်ဦးအပေါ်ထားသည့် မိဘဖြစ်သူ လူထုဒေါ်အမာနှင့် လူထုဦးလှတို့၏ စိုးရိမ်သောကနှင့် မေတ္တာကိုလည်းကောင်း သိရှိကြရမည် ဖြစ်သည်။