သက်တော် (၁၀၂) နှစ်ရှိသည့်တိုင် ငယ်မူပြန်ခြင်းမရှိ၊ ပကတိ တည်ကြည်သော စိတ်ဓာတ်၊ မြဲမြံသောသတိ၊ သမာဓိတော်တို့ဖြင့် ရွှေကျင်ဂိုဏ်းကြီးကို ဦးစီးအုပ်ချုပ်ခဲ့သော အဘိဓဇ မဟာရဋ္ဌဂုရု သမ္မတိသံဃရာဇာ နဝမမြောက် ရွှေကျင်သာသနာပိုင် စံကင်းဆရာတော်၏ ထေရုပ္ပတ္တိ စာအုပ်ဖြစ်သည်။ ဆရာတော်ကြီး သက်ရှိထင်ရှားရှိစဉ်က မိန့်ကြားခဲ့သည်များကို အခြေခံ၍ သက်ဆိုင်ရာ အထောက်အထားများနှင့် ညှိနှိုင်းတိုက်ဆိုင်ရေးသားထားသည်။ စာအုပ်ကို အခန်း (၆) ခန်းခွဲထားရာ ၎င်းတို့မှာ ဇာတိဒေသနှင့် လူငယ်ဘဝ၊ စာသင်သားဘဝ၊ စာချကျောင်းထိုင်ဘဝ၊ စံ ကင်းဆရာတော်ဘဝ၊ ရွှေကျင်သာသနာပိုင်ဘဝ၊ သက်တော်ရှည်ရာကျော်ဆရာတော်ဘဝတို့ ဖြစ်ကြ သည်။ စာအုပ်ကို ရေးသားမှတ်တမ်းတင်ထားပုံနှင့် ပါဝင်သောအကြောင်းအရာများကို ကျမ်းဥုး အဖွင့်တွင် ဖော်ပြထားရာ ၎င်းကို ဖော်ပြလိုက်ပါသည်။