အဘိဓမ္မာ အကြောင်းကို ထဲထဲဝင်ဝင် လေ့လာစူးစမ်းဖြစ်သော စာရေးသူက သူသိရှိ ထားသည့် အဘိဓမ္မာအကြောင်းကို ဆွေးနွေးခန်းပုံစံဖြင့် ရေးသားကာ စာဖတ်သူများကို မျှဝေထား ခြင်းဖြစ်သည်။ ထိုသို့ ရေးသားရာတွင် ဆေးပညာရှင် စာရေးဆရာတစ်ဦး အနေနှင့်သာမက ဗုဒ္ဓ အဘိဓမ္မာ ပညာရှင်၊ ဒဿနပညာရှင်တစ်ဦးအနေဖြင့်ပါ ကြိုးစားအားထုတ် တင်ပြထားသည်ကို တွေ့ရသည်။ အဘိဓမ္မာ ၉ ပိုင်းစလုံးအပြင် ဆေးကုသရေး အတွေ့အကြုံများ၊ ဘာသာရေးဆိုင်ရာ ကုသိုလ် မင်္ဂလာတိုးပွားရေး တင်ပြထားချက်များ၊ ဘဝနေနည်းဆိုင်ရာ လမ်းညွှန်ချက်များကိုပါ စိတ်ဝင်စားဖွယ် ထည့်သွင်းရေးသားထားသည်။