អត្ថបទស្រាវជ្រាវ សម្ដេច ជួន ណាត ដែលរៀបរាប់អំពីដំណើរជីវិតរបស់ព្រះអង្គក្នុងបុព្វហេតុអក្សរសាស្រ្តជាតិ។ សៀវភៅនេះត្រូវបានស្រាវជ្រាវនិងរៀបរៀងដោយ ភិក្ខុ វ៉ាន់ ចាន់ធឿន និស្សិតកំពុងសិក្សាថ្នាក់បរិញ្ញាបត្រអក្សរសាស្រ្តខ្មែរ នៅសាកលវិទ្យាល័យភូមិន្ទភ្នំពេញ (RUPP)។ សៀវភៅនេះមានកម្រាស់ជាង៤០០ទំព័រ ជាសៀវភៅដែលមានកម្រាស់ក្រាស់បំផុតរបស់ហាតប៊ុក ដោយបានបែងចែកជា១២ចំពូកធំ ដែលភាគច្រើននិយាយអំពីដំណើរជីវិតនិងស្នាព្រះហស្តរបស់សម្តេចព្រះសង្ឃរាជ ជួន ណាត ដែលបានចំណាយព្រះជន្មដើម្បីអក្សរសាស្រ្តខ្មែរ។ ស្នាព្រះហស្តសំខាន់ពីររបស់ព្រះអង្គដែលយើងធ្លាប់បានដឹងគឺ វចនានុក្រមខ្មែរ (២ភាគ) និងបទភ្លេងជាតិ «បទនគររាជ»។ ក្រៅពីនេះ ព្រះអង្គនៅមានស្នាព្រះហស្តជាច្រើនទៀត។