ဆရာနတ်နွယ်၏ အကောင်းဆုံးလက်ရာ ဝတ္ထုရှည်ကြီးဖြစ်သည်။ သီပေါမင်း ပါတော် မူခါနီးမှာ ဖြစ်ပေါ်ခဲ့သည့် နယ်ချဲ့ပဒေသရာဇ်ဆန့်ကျင်ရေးတိုက်ပွဲနှင့် ပါတော်မူပြီး ဖြစ်ပေါ်ခဲ့သော နယ်ချဲ့ဆန့်ကျင်ရေးတိုက်ပွဲများကို နောက်ခံထား၍ ထိုခေတ်ထိုအခါမှ တကယ့်ဖြစ်ရပ်မှန်များ၊ တ ကယ့်ဇာတ်ကောင်များကို ဝတ္ထုတွင် ထည့်သွင်းရေးသားထားသည်။ နယ်ချဲ့ဆန့်ကျင်ရေး၏ အရေးကြီးပုံ၊ အမျိုးသား စည်းလုံးညီညွတ်ရေး အရေးကြီးပုံများကို ဆရာနတ်နွယ်က ရည်ရွယ်ချက် ကောင်းကောင်းတွင် ရေးသားတင်ပြထားခြင်း ဖြစ်သည်။ ကချင်ပြည်နယ်မှ တိုင်းရင်းသားလူမျိုး များ၏ ဓလေ့ထုံးတမ်းများ၊ စားပုံ, နေပုံ ပြောပုံများ၊ တွေးခေါ်ပုံများ၊ ရေငွေ့ မြေငွေ့များကိုလည်း ဝတ္ထုနှင့် တစ်သားတည်း ရောနှောနေရေးသားထားသည်ကို တွေ့ရသည်။